გუბში რცხილნარის დარგვა უნდათ. დედალაურში - ცენტრალური გზის მოასფალტება. ძეძილეთის და გოჩა-ჯიხაიშის მოსახლეობას ტრანსპორტის პრობლემა აქვთ.

ეს ხონის მუნიციპალიტეტის სოფლების პრობლემებია. მოგვარების გზაც მოიძებნა...

ელექტრონული პეტიცია!

ეს თანამედროვე და მოხერხებული მექანიზმია.

პეტიცია (ლათ. „petitio“) არის წერილობითი კოლექტიური თხოვნა ხელისუფლების ორგანოებისადმი, კოლექტიური შუამდგომლობა.

ინტერნეტმა მნიშვნელოვნად გაზარდა და გააადვილა პეტიციაზე ხელმოწერები, გააუმჯობესა მოქალაქეთა დიალოგი სახელმწიფო სტრუქტურებთან. ინტერნეტ რესურსების გააქტიურებას ემსახურება ჩვენი პროექტიც „გუ­რი­ის, იმე­რე­თი­სა და რა­ჭა-­ლე­ჩხუ­მის სა­მო­ქა­ლა­ქო სა­ზო­გა­დო­ე­ბის ორ­გა­ნი­ზა­ცი­ე­ბის სა­ერ­თო ფო­რუ­მი სა­ჯა­რო მმარ­თვე­ლო­ბის რე­ფორ­მის საგ­ზაო რუ­კის მო­ნი­ტო­რინ­გის მიზ­ნით“.

იდეა სწორედ ამ პროექტის ფარგლებში დაიბადა და განახორციელა კიდეც პროექტის ფარგლებში შექმნილმა სამუშაო ჯგუფმა. ჯგუფმა შეისწავლა პე­ტი­ცი­ის არსი, გა­მო­ყე­ნე­ბის ხერ­ხე­ბი. შეირჩნენ ფა­სი­ლი­ტა­ტო­რებ­ი, რომელთაც სა­ინ­ფორ­მა­ციო კამ­პა­ნია ჩაატარეს მუნიციპალიტეტის 12 ად­მი­ნის­ტრა­ცი­ულ ერ­თე­ულ­ში - მო­სახ­ლე­ო­ბას გა­აც­ნეს პე­ტი­ცი­ის მნიშვნელობა და გამოავლინეს სა­ჭი­რო­ე­ბე­ბი პე­ტი­ცი­ე­ბის­თვის.

დაიბეჭდა და დარიგდა საინფორმაციო ფურცლები, სადაც მოცემულია ინსტრუქცია, როგორ უნდა მოხდეს ელექტრონული პეტიციის განთავსება მუნიციპალიტეტის ვებგვერდზე http://khoni.gov.ge.

ვებგვერდზე არის ფანჯარა პეტიცია http://petition.lsg.ge/khoni/.

აიტვირთა 15 პეტიცია - სკვე­რის რე­ა­ბი­ლი­ტა­ცია ქვე­და კინ­ჩხა­ში, გოჩა-ჯიხაიშის მოსახლეობისთვის ტრანპორტირების მოწესრიგება, მა­თხოჯ­ში მარ­ტვი­ლის მო­სახ­ვევ­თან საგ­ზაო შე­მა­კა­ვებ­ლე­ბი და სხვა.

ელექ­ტრო­ნუ­ლი პე­ტი­ცი­ის წარ­დგე­ნის უფ­ლე­ბა აქვთ ხო­ნის მუ­ნი­ცი­პა­ლი­ტე­ტის ტე­რი­ტო­რი­ა­ზე რე­გის­ტრი­რე­ბულ ამომ­რჩე­ველ­თა არა­ნაკ­ლებ 0.5% პრო­ცენტს (120 ამომ­რჩე­ვე­ლი).

უკვე დასრულდა 4 პეტიციის წარდგენა (ანუ დაგროვდა 120 და მეტი ხმა) და გადაგზავნილია მერიაში შემდგომი რეაგირებისთვის. ეს არის ინფრასტრუქტურული პრობლემების მოგვარება დევნილთა დასახლებაში, ქუტირში  და წყაროსმინდვრის უბანში (გზის მოასფალტება, სპორტული მოედნის და სკვერის რეაბილიტაცია). ერთ-ერთი პრობლემა განსაკუთრებით აქტუალურია: ქალაქ ხონში მიუსაფარი ძაღლების აცრის, კასტრაცია/სტერილიზაციის სტანდარტების დანერგვა და შესაბამისი ფინანსური რესურსების გამოყოფა. 

6 პეტიციისთვის ჯერ კიდევ გრძელდება ხმის მიცემა.

პრობლემათა მოგვარების შემდეგ მუნიციპალიტეტის მოსახლეობა დარწმუნდება, რომ თავად შეუძლია საჭიროებების გამოვლენაც და ხელისუფლებასთან ონლაინ დიალოგით მისი მოგვარებაც...

ეს პროექტის ერთ-ერთი სერიოზული შედეგი და წარმატების ისტორიაა - მოქალაქეთა მონაწილეობის კარგი მაგალითი.

პროექტი ხორციელდება ევროკავშირის მხარდაჭერით