დებატებში, რომელიც ონლაინ ფორმატში ჩატარდა, მონაწილეობდნენ ბაღდათის  სამუშაო ჯგუფის წევრები, ადგილობრივი თვითმმართველობის და სამოქალაქო საზოგადოების ორგანიზაციების წარმომადგენლები, ასევე - ექსპერტები წყალტუბოსა და ხონის მუნიციპალიტეტებიდან.

ადგილობრივმა პარტნიორმა ორგანიზაციებმა მათ მიერ განხორციელებული მცირე პროექტების შედეგებზე ისაუბრეს, წარმოადგინეს ბაღდათის მუნიციპალიტეტში ჩატარებული საჭიროებების კვლევა.

დებატებზე განსაკუთრებული განხილვის საგანი იყო წყალტუბოს მუნიციპალიტეტის გამოცდილება სამოქალაქო ბიუჯეტირებასთან დაკავშირებით. მონაწილეთათვის მნიშვნელოვანი აღმოჩნდა ელექტრონული პეტიციის თემაც. ვებგვერდს ეს ფუნქცია აქვს, მაგრამ აქამდე არ იყო გამოყენებული. ხონის პრაქტიკით კი დაინახეს, როგორ შეიძლება ეს საკითხი აქტუალური გახადო მოსახლეობაში.

პროექტი ხორციელდება ევროკავშირის მხარდაჭერით

დებატები ცაგერში, COVID-19 ვითარებიდან გამომდინარე, ონლაინ Zoom-ფორმატში ჩატარდა მეწარმე ქალთა ფონდის ორგანიზებით. შეხვედრაზე მონაწილეებს - საკრებულოსა და მერიის, სამოქალაქო სექტორის და მედიის წარმომადგენლებს - შესაძლებლობა ჰქონდათ, მუნიციპალიტეტში ჩატარებული საჭიროებების კვლევა და მცირე პროექტების ფარგლებში შესრულებული სამუშაოების შედეგები მოესმინათ. საინტერესო იყო ხონისა და წყალტუბოს წარმატებული მაგალითების გაზიარება პეტიციასა და სამოქალაქო ბიუჯეტირების თემაზე.

დამსწრეთა მხრიდან იყო დიდი ინტერესი, რაც აქტიური ჩართვით და რეკომენდაციებით გამოიხატა.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

თერჯოლის დებატებმა გაამართლა ფორუმის მთავარი მისია: სამოქალაქო საზოგადოების ორგანიზაციების ფორუმის წევრები სწავლობენ ერთმანეთისგან და საუკეთესო პრაქტიკებს გადასცემენ ერთი მუნიციპალიტეტიდან მეორეში.

ჯერ იყო თერჯოლის სამუშაო ჯგუფის შეხვედრა, სადაც დაიგეგმა და განისაზღვრა დებატების ჩატარება.

22 ივლისს კი ონლაინ დებატები ჩატარდა: საინტერესო, აქტიური, შინაარსიანი, კონკრეტული მაგალითებით და შედეგებით...

შეხვედრაში მონაწილეობდნენ თერჯოლის ადგილობრივი თვითმმართველობის, სამოქალაქო საზოგადოების ორგანიზაციების და სხვადასხვა სფეროს წარმომადგენლები, ასევე სტუმრები წყალტუბოს და ხონის მუნიციპალიტეტებიდან.

ეს იყო ჩატარებული მუშაობის ერთგვარი ანგარიში. სამუშაო კი საკმაოდ ნაყოფიერი იყო: საჯარო მმართველობის რეფორმის 4 მონიტორინგი, მცირე პროექტები, ვებგვერდის განახლება, საჭიროებების შეფასება, სამოქალაქო ბიუჯეტირების დანერგვის პროცესი...

დებატებზე განსაკუთრებული იყო წყალტუბოს და ხონის მუნიციპალიტეტების წარმატებული პრაქტიკის გაზიარება სამოქალაქო ბიუჯეტირების და ელექტრონული პეტიციების დანერგვის კუთხით.

შეხვედრამ დაანახა მონაწილეებს პროექტის ხელშესახები შედეგები და სერიოზული წვლილი მუნიციპალიტეტის განვითარებაში.

პროექტი ხორციელდება ევროკავშირის მხარდაჭერით