სამოქალაქო საზოგადოების ორგანიზაციების მიერ განხორციელებული მინიპროექტების შედეგები შეაჯამეს ვანის სამუშაო ჯგუფის მორიგ შეხვედრაზე. ასევე განიხილეს რეკომენდაციები, რომლებიც შეიმუშავეს ადგილობრივი თვითმმართველობისთვის საჯარო მმართველობის ადგილობრივ დონეზე იმპლემენტაციის მიზნით - ეს, ძირითადად, ეხება მოქალაქეთა და მერიის წარმომადგენელთა უნარების ამაღლებას ელექტრონული სერვისების გამოყენების კუთხით.

შეხვედრაზე გამოიყო ის აქტივობები, რომლებიც ჯგუფმა პროექტის დასრულებამდე უნდა შეასრულოს და მათ შესრულებაზე პასუხისმგებლობა ჯგუფის წევრებს შორის განაწილდა.

პროექტი ხორციელდება ევროკავშირის მხარდაჭერით

ბაღდათში მორიგ სამუშაო შეხვედრაზე განხილულ იქნა სამოქალაქო საზოგადოების ორგანიზაციის „თანასწორობა ახლას“ მიერ ჩატარებული კვლევის შედეგები და რეკომენდაციები, რომლებიც კვლევის ანალიზის დროს დაიდება. კვლევა ქალთა საჭიროებებს ეხებოდა და მისი რეკომენდაციები უნდა აისახოს გენდერული თანასწორობის საბჭოს სამოქმედო გეგმაში.

პარტნიორი სამოქალაქო საზოგადოების ორგანიზაციის „სამოქალაქო სპექტრი - თანასწორობა“ ხელმძღვანელმა გააკეთა ანტიკორუფციული დებულების სამუშაო ვერსიის პრეზენტაცია. დებულების დამტკიცების პროცესში ბაღდათის სამუშაო ჯგუფი ლობისტად მოიაზრება.

პროექტი ხორციელდება ევროკავშირის მხარდაჭერით

სტუმრები - ლანჩხუთის და ცაგერის მუნიციპალიტეტების წარმომადგენლები.

მასპინძლები - ხონის მუნიციპალიტეტის საკრებულოსა და მერიის წარმომადგენლები, ადგილობრივი სამოქალაქო საზოგადოების ორგანიზაციის და ახალგაზრდული ცენტრის წევრები, პედაგოგები.

და უჩვეულო ფორმატი - დებატები.

სტუმრებმა წარმოადგინეს წარმატებული მუშაობის პრეზენტაცია - ეთიკის კოდექსის შემუშავების და სამოქალაქო ბიუჯეტირების დანერგვის კუთხით.

ხონის სამუშაო ჯგუფმა და ადგილობრივი სამოქალაქო საზოგადოების ორგანიზაციის წარმომადგენლებმა შეკრებილებს გააცნეს მცირე პროექტებში მუშაობის შედეგები, მონაწილეობა საჭიროებათა შეფასებაში.

ხონის მერმა სამუშაო ჯგუფის მიღწევებს გაუსვა ხაზი - მუნიციპალიტეტის ცხელი ხაზის, განახლებული ვებგვერდის და ელექტრონული პეტიციის ეფექტიანობაზე ისაუბრა. ყველაფერი, რაც გაკეთდა და რაც კიდევ არის დაგეგმილი, ხელს უწყობს საჯარო მმართველობის წარმატებულ რეფორმას.

პროექტი ხორციელდება ევროკავშირის მხარდაჭერით