ქუთაისში ჩატარდა ტრენინგი თემაზე „ფართო სამოქალაქო საზოგადოების მონაწილეობით რეგიონალური საჭიროებების შეფასება - ადგილობრივ დონეზე საგზაო რუკის (PAR) რეალიზაციისათვის“ (ორგანიზატორი - მეწარმე ქალთა ფონდი). ტრენინგს ესწრებოდა 35 ადამიანი 3 რეგიონიდან (იმერეთი, გურია, რაჭა-ლეჩხუმი). ტრენინგი მოიცავდა როგორც თეორიულ ნაწილს სამიზნე ჯგუფების საჭიროებების კვლევისათვის (გამჭვირვალობა, ეფექტიანობა, ინკლუზიურობა), ასევე პრაქტიკულ სამუშაოებს კვლევის კითხვარების შემუშავებისა და სამუშაო ვერსიების განხილვისათვის. ტრენინგზე განხილულ იქნა შემდეგი საკითხები: პირველადი ანგარიშების დამუშავება, რეკომენდაციების მომზადება, ფოკუს-ჯგუფის და ჩაღრმავებული ინტერვიუს ჩატარების მეთოდები.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

ბაღდათის სამუშაო ჯგუფის წევრებმა განიხილეს ადგილობრივი საჭიროებების პირველი კვლევის დროს გამოვლენილი პრობლემები და იმსჯელეს, როგორ უნდა ასახონ ეს პრობლემები სამუშაო ჯგუფის გეგმაში. გამოიყო და პრიორიტეტებად დალაგდა შესასრულებელი რეკომენდაციები. შეხვედრაზე ჯგუფის წევრებს მიეწოდა ინფორმაცია, თუ რა სტადიაზეა მუნიციპალიტეტის ვებგვერდის განახლების პროცესი. ასევე განიხილეს საჯარო მმართველობის რეფორმის განხორციელების მესამე მონიტორინგის რეკომენდაციებიც. დაიგეგმა, რომ მომდევნო შეხვედრაზე დაამტკიცებენ ჯგუფის განახლებულ სამოქმედო გეგმას, რომელშიც გათვალისწინებული იქნება ყველა საკითხი.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

14 ახალი ორგანიზაცია შეიქმნა პროექტის ფარგლებში. პროექტმა ხელი შეუწყო არა მარტო მათ რეგისტრაციას, არამედ წარმატებულ სტარტსაც: პირველი პროექტების დაწერაც შეძლეს და პირველი გრანტებიც მიიღეს.

მათთვის განსაკუთრებული მნიშვნელობა აქვს სწავლებას. წყალტუბოში ჩატარებულ ორდღიან შეხვედრაზე ამ ორგანიზაციების წარმომადგენლებმა განიხილეს შესაძლებლობების განვითარებისა და პროექტების მართვის საკითხები (ორგანიზატორი - იმერეთის მხარის მეცნიერთა კავშირის „სპექტრი“).

განსაკუთრებული ყურადღება დაეთმო სამოქალაქო საზოგადოების ორგანიზაციების ინსტიტუციურ განვითარებას, ფონდების მოძიებას, ორგანიზაციულ და ფინანსურ მართვას, პროექტების შემუშავებასა და განხორციელებას.

ამ საკითხებზე პრაქტიკული სესიები გამართეს „საქართველოს სასოფლო დარბაზის“ თავმჯდომარემ, ექსპერტმა ამირან გიგინეიშვილმა და ფონდი „სოხუმის“ ფინანსურმა მენეჯერმა ლალი გახარიამ.

შეხვედრის მონაწილეები გაეცნენ პროექტების მართვის გამოცდილებას იმერეთის მხარის მეცნიერთა კავშირ „სპექტრის“ერთ-ერთი პროექტის  მაგალითზე.

ორი დღის განმავლობაში ახალმა ორგანიზაციებმა სერიოზული გამოცდილება შეიძინეს, რაც ხელს შეუწყობს მათ  განვითარებასა და მიზნების მიღწევაში.

პროექტი ხორციელდება ევროკავშირის მხარდაჭერით