შექმნილი საკარანტინო მდგომარეობის შესაბამისად, პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ პარტნიორთა (ფონდი „სოხუმი“, სპექტრი, მეწარმე ქალთა ფონდი) მორიგი შეხვედრა შედგა - ოღონდ ონლაინ რეჟიმში.

განხილულ იქნა შექმნილი ინფორმაცია ჯანმრთელობის მდგომარეობის შესახებ ფორს-მაჟორულ ვითარებაში - როგორც პროექტის პარტნიორ, ასევე რეგიონალურ პარტნიორ ორგანიზაციებთან. გაკეთდა მიმოხილვა ჩატარებულ საპროექტო მუშაობასა და მიღებულ შედეგებზე, გამოწვევებსა და საჭიროებებზე. ისაუბრეს ასევე ნარატიულ და ფინანსურ ანგარიშებზე, სხვა საორგანიზაციო საკითხებზე.

შეხვედრის ბოლოს დაიგეგმა სამომავლო აქტივობები: საპროექტო მუნიციპალიტეტებში საჭიროებების შესწავლის, მათი სისტემატიზაციის და შედეგებზე ორიენტირებული რეკომენდაციების შემუშავების კუთხით. დეტალურად იქნა განხილული გეგმების შესრულების მექანიზმები, არსებული რეალობიდან გამომდინარე.

პროექტი ხორციელდება ევროკავშირის მხარდაჭერით

11 მარტს ბაღდათის  მუნიციპალიტეტში გაიმართა  შეხვედრა პროექტში ჩართული სამოქალაქო საზოგადოების ორგანიზაციების - „თანადგომა ახლა“ და შშმ პირთა კავშირის „რწმენა და იმედის“ - წევრებთან. ორგანიზაციის წევრებმა იმსჯელეს სახელმწიფო მმართველობის რეფორმის საგზაო რუკა PAR-ის ადგილობრივ დონეზე რეალიზების მონიტორინგის შედეგად გამოკვეთილ რეკომენდაციებზე. ასევე დაიგეგმა ანკეტირება რეგიონის საჭიროებების შეფასების მიზნით.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

21 თებერვალი. ქუთაისი. სასტუმრო „ბაგრატი 1003“. სამოქალაქო საზოგადოების ორგანიზაციების ფორუმი. მის მუშაობაში მონაწილეობდნენ პარტნიორები რეგიონებიდან (გურია, იმერეთი, რაჭა ლეჩხუმი) - 16 სამოქალაქო საზოგადოების ორგანიზაციის (სსო) წარმომადგენელი.

შეკრებილები გაეცნენ მუნიციპალიტეტის პროგრამულ ბიუჯეტირებას გენდერული კომპონენტის გათვალისწინებით.

ფორუმზე მოსმენილ იქნა ინფორმაციები ამბროლაურის და ცაგერის მუნიციპალიტეტებში საჯარო მმართველობაში არსებული მდგომარეობის შესახებ.

ეს იყო პარტნიორული პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი  საჯარო მმართველობის რეფორმის საგზაო რუკის მონიტორინგის“ სსო ფორუმის მორიგი შეხვედრა, რომელიც გაიმართა მეწარმე ქალთა ფონდის ორგანიზებით.

პროექტი ხორციელდება ევროკავშირის მხარდაჭერით